کراچی(پاک ترک نیوز )ملک میں سونے کی قیمت میں ایک بار پھر بڑا اضافہ ریکارڈ کیا گیا ہے، فی تولہ سونا 13 ہزار 700 روپے مہنگا ہوگیا۔
سونے کی قیمت میں اضافے کے بعد فی تولہ سونا 4 لاکھ 71 ہزار 936 روپے کا ہوگیا، جبکہ 10 گرام سونے کی قیمت میں 11 ہزار 746 روپے کا اضافہ ہوا، جس کے بعد 10 گرام سونے کی قیمت 4 لاکھ 4 ہزار 609 روپے ہوگئی۔
عالمی مارکیٹ میں بھی سونے کی قیمت میں 137 ڈالر کا بڑا اضافہ ہوا، جس کے بعد فی اونس سونا 4 ہزار 495 ڈالر پر پہنچ گیا۔
دوسری جانب ایک تولہ چاندی کی قیمت میں 369 روپے کا اضافہ ریکارڈ کیا گیا، جس کے بعد چاندی کی فی تولہ قیمت 7 ہزار 169 روپے ہوگئی۔
