اسلام آباد (پاک ترک نیوز )وفاقی کابینہ نے پٹرول اور ڈیزل پر ڈیلر مارجن میں اضافے کی منظوری دے دی۔
ذرائع کے مطابق پٹرول پر فی لیٹر ڈیلر مارجن میں 1 روپے 34 پیسے اضافے کی منظوری دی گئی ہے، جبکہ ڈیزل کے فی لیٹر ڈیلر مارجن میں بھی 1 روپے 34 پیسے اضافے کی منظوری دی گئی۔
اضافے کے بعد پٹرول اور ڈیزل پر ڈیلر مارجن الگ الگ 9 روپے 98 پیسے فی لیٹر ہو جائے گا۔ذرائع کے مطابق اس وقت پیٹرول اور ڈیزل پر الگ الگ 8 روپے 64 پیسے فی لیٹر ڈیلر مارجن عائد ہے۔
وفاقی کابینہ نے اقتصادی رابطہ کمیٹی (ای سی سی) کے فیصلے کی توثیق بھی کر دی ہے۔
