190 ملین پاؤنڈ کیس اپیلوں میں اہم پیش رفت

اسلام آباد ( پاک ترک نیوز) ایک سو نوے ملین پاؤنڈ کیس اپیلوں میں اہم پیش رفت ہوئی ہے ۔
اسلام آباد ہائیکورٹ نے بانی اور بشری بی بی کے وکلا کو 20 مئی دلائل کی حتمی مہلت دے دی ،عدالتی حکم نامے میں کہا گیا امید ہے فریقین جان بوجھ کر سماعت سے غیر حاضر نہیں ہوں گے نا غیر ضروری التوا مانگیں گے ۔
چیف جسٹس سرفراز ڈوگر اور جسٹس محمد آصف کی طرف سے جاری حکم نامے میں کہا گیاسلمان صفدر نے بانی اور بشری سے ہدایات لینے کے لیے التوا کی درخواست دی ،نیب نے سلمان صفدر کی التوا کی درخواست کی مخالفت کی ، گزشتہ سماعت پر فریقین کو حاضری یقینی بنانے اور اپیل پر دلائل کی ہداہت کی گئی تھی۔
آج کی سماعت میں دلائل کی بجائے سلمان صفدر نے کمزور وجوہات پر التوا کی درخواست دائر کی ،یہ بھی حقیقت ہے کہ مرکزی اپیلیں سلمان صفدر کی جانب سے دائر کی گئی تھی ،کیس کی حساسیت اور اہمیت کی وجہ سے آخری اور حتمی مہلت دی جارہی ہے سلمان صفدر تمام ضروری اقدامات اٹھا لیں اور آئندہ سماعت 20 مئی اپیلوں پر دلائل دیں۔