اسلام آباد ( پاک ترک نیوز) پاکستان اور افغانستان کے کشیدگی کو کم کروانے کیلئے روس اور ایران نے بڑی پیشکش کی ہے۔
ایران کے وکزیر خارجہ عباس عراقچی کا کہنا ہے کہ ماہ مبارک رمضان میں جو ضبط نفس اور عالم اسلام میں یکجہتی کو مضبوط کرنے کا مہینہ ہے یہ مناسب ہے کہ افغانستان اور پاکستان موجودہ اختلافات کو حق ہمسائیگی کے دائرے میں اور مکالمے کے راستے سنبھالیں اور حل کریں۔
ایکس پر جار ایک بیان میں ایرانی وزیر خارجہ کا کہنا ہے کہ ایران ہر قسم کی مدد کے لیے تیار ہے تاکہ دونوں ممالک کے درمیان مکالمے کو آسان بنایا جا سکے اور باہمی تفاہم و تعاون کو تقویت دی جا سکے۔
دوسری جانب روسی وزیرِخارجہ سرگئی لاوروف نے بھی پاکستان اور افغانستان سے حملے فوری طور پر روکنے کا مطالبہ کیا ہے۔
روسی دفتر خارجہ کی ترجمان کا کہنا ہے کہ پاکستان اور افغانستان پر فوری جنگ بندی کیلئے زور دیتے ہیں، دونوں ممالک اپنے اختلافات بات چیت کے ذریعے دور کریں، اختلافات سفارتی ذرائع سے حل کیے جائیں، دونوں ممالک چاہیں تو ثالثی کے لیے کردار ادا کر سکتے ہیں۔
واضح رہے کہ ایران نے اس سے پہلے بھی دونوں ممالک کے درمیان ثالثی کی پیشکش کی تھی جب سرحدی کشیدگی بڑھ رہی تھی۔
