راولپنڈی ( پاک ترک نیوز) بانی پی ٹی آئی عمران خان کو شفا انٹرنیشنل اسپتال سے اڈیالہ جیل واپس منتقل کر دیا گیا۔ بانی پی ٹی آئی کو انتہائی سخت سکیورٹی میں اسپتال سے اڈیالہ جیل لایا گیا۔
جیل ذرائع کا کہنا ہے کہ اڈیالہ جیل پہنچنے کے بعد بانی پی ٹی آئی کو ان کے سیل میں منتقل کر دیا گیا۔بانی پی ٹی آئی کو گزشتہ رات طبی معائنے کے لیے شفا اسپتال منتقل کیا گیا تھا۔ یہ منتقلی سپریم کورٹ کی جانب سے دی گئی ہدایت کے بعد عمل میں لائی گئی، جس کے تحت بانی پی ٹی آئی کو اگلی سماعت تک اسپتال میں رکھنے کا حکم دیا گیا تھا۔
یہ بھی پڑھیں: عمران خان کی میڈیکل رپورٹ، ،اینگزائٹی لیول تھری پلس، کیا ہے ،علاج کیسے ہوگا؟
واضح رہے کہ بانی پی ٹی آئی کی اسپتال منتقلی سے متعلق معاملہ سپریم کورٹ میں زیر سماعت تھا، جہاں عدالت نے انہیں طبی معائنے اور علاج کے لیے اسپتال منتقل کرنے سے متعلق احکامات جاری کیے تھے۔
