اسلام آباد ( پاک ترک نیوز) اسلام آباد میں گروپ کیپٹن کو شہید کرنے کے کیس میں اہم پیشرفت ہو گئی ،گرفتار ملزم کی سی سی ٹی فوٹیج منظر عام پر آ گئی۔ملزم کو فیض آباد بس اڈے سے لاہور روانہ ہوتے دیکھا جا سکتا ہے۔
ملزم کے خاتون کے ساتھ موٹرسائکل پر جانے کی فوٹیج بھی سامنے آ گئی۔ ملزم کود کان سے کپڑے تبدیل کرتے بھی دیکھا جا سکتا ہے۔ملزم سعد عباسی تھانہ کھنہ کی حدود بند کھنہ روڈ کا رہائشی ہے۔
تفتیشی حکام کے مطابق ملزم کی عمر 20 سال جبکہ تعلیم میٹرک ہے۔ملزم الیکٹرانک کی دکان پر بطور سیلز مین بھی کام کرتا رہا تھا۔۔ملزم زبردستی لڑکی کو ساتھ لے کر جانا چاہتا تھا اس پر اس نے انکار کیا تھا۔لڑکی اور ملزم کے درمیان ہاتھاپائی بھی ہوئی تھی۔
یہ بھی پڑھیں: ایرانی سفیر کا شہید سپریم لیڈر کے جنازے میں شرکت پر پاکستان سے اظہار تشکر
پولیس کے مطابق گروپ کیپٹن ملزم اور لڑکی کے درمیان ہونے والی ہاتھاپائی کی وجہ سے رکا، گروپ کیپٹن نے ملزم کو لڑکی کے ساتھ زبردستی کرنے سے روکا جس پر ملزم طیش میں آ گیا تھا، ملزم نے گاڑی میں سوار گروپ کیپٹن پر فائرنگ کی اور فرار ہو گیاتھا۔واقعے کی اطلاع ملتے ہی ایس پی سٹی موقع پر پہنچے۔
