اسلام آباد ( پاک ترک نیوز) پشاور میں نجی اسکول کی چھت گرنے سے بچوں کی ہلاکت پر وزیراعظم شہباز شریف سمیت سیاسی رہنماؤں نے گہرے دکھ اور افسوس کا اظہار کیا ہے۔وزیراعظم شہباز شریف نے جاں بحق ہونے والوں کے اہل خانہ سے تعزیت کرتے ہوئے ان کے لیے صبر جمیل کی دعا کی۔ وزیراعظم نے زخمیوں کو ہر ممکن طبی امداد فراہم کرنے کی ہدایت بھی کی۔مشیر اطلاعات خیبرپختونخوا ثمر ہارون بلور نے کہا کہ صوبائی حکومت اس مشکل گھڑی میں متاثرہ خاندانوں کے دکھ اور غم میں برابر کی شریک ہے۔ انہوں نے زخمی بچوں کو بہترین اور بروقت طبی سہولیات فراہم کرنے پر زور دیا۔
یہ بھی پڑھیں: پشاور میں نجی سکول کی چھت گرنے سےخاتون ٹیچراور27بچےجاں بحق
وزیراعلیٰ سندھ مراد علی شاہ نے بھی اسکول حادثے پر افسوس کا اظہار کرتے ہوئے کہا کہ یہ واقعہ انتہائی افسوسناک اور دل دہلا دینے والا ہے۔ معصوم بچوں کی قیمتی جانوں کا ضیاع ناقابلِ تلافی نقصان ہے۔وزیراعلیٰ سندھ نے بھی زخمی بچوں کو بہترین اور بروقت طبی سہولیات فراہم کرنے کی ضرورت پر زور دیا۔
