پاکستان کرکٹ بورڈ نے کرکٹر حیدر علی کو معطل کر دیا

لاہور(پاک ترک نیوز ) پاکستان کرکٹ بورڈ (پی سی بی) نے کرکٹر حیدر علی کو معطل کر دیا ہے۔
پاکستان کرکٹ بورڈ کا کہنا ہے کہ کا کہنا ہے کہ حیدر علی اس وقت مانچسٹر پولیس کے ایک مجرمانہ کیس میں تفتیش کا سامنا کر رہے ہیں، جو حال ہی میں پاکستان شاہینز ٹیم کے انگلینڈ کے دورے کے دوران پیش آیا۔
بورڈ کے مطابق حیدر علی کو قانونی معاونت فراہم کی جائے گی، تاہم جب تک کیس کے نتائج سامنے نہیں آ جاتے وہ معطل رہیں گے، کیس مکمل ہونے کے بعد پی سی بی انضباطی کارروائی پر غور کرے گا۔
پی سی بی نے واضح کیا ہے کہ قانونی عمل مکمل ہونے تک اس حوالے سے مزید کوئی معلومات فراہم نہیں کی جائیں گی۔