ڈھاکہ ( پاک ترک نیوز) پاکستان اور بنگلہ دیش کے درمیان تین میچوں پر مشتمل سیریز کا فیصلہ کن ون ڈے کل کھیلا جائے گا۔تین میچوں پر مشتمل سیریز ایک ایک سے برابر ہے۔دوسری جانب بنگلہ دیشی کپتان مہدی حسن سپورٹس مین سپرٹ بھول گئے۔مہدی پر شائقین اور سابق کھلاڑیوں کی جانب سے شدید تنقید کی جا رہی ہے۔
تفصیلات کےمطابق ڈھاکہ میں پاکستان اور بنگلہ دیش کی ٹیمیں تیسرے ایک روزہ میچ میں کل مد مقابل آئیں گی ۔پاکستانی وقت کے مطابق یہ میچ دن ایک بج کر 15منٹ پر شروع ہو گا۔
سیریز میں پاکستان اور بنگلہ دیش کی ٹیموں نے ایک ایک کامیابی حاصل کی ہے۔میچ میں فتح حاصل کرنے والی ٹیم سیریز اپنے نام کرلے گی ۔
کرکٹ کو جینٹلمین گیم کہا جاتا ہے، جہاں صرف مقابلہ ہی نہیں بلکہ کھیل کی روح بھی اہم سمجھی جاتی ہے۔ لیکن حالیہ میچ میں بنگلہ دیشی بولر مہدی حسن نے ایک عمل نے شائقین کو حیران کر دیا۔
دوسرے ون ڈے کے دوران بنگلہ دیشی بولر مہدی حسن سپورٹس مین سپرٹ بھول گئے،، سلمان علی آغا نے کریز سے نکل کر گیند بولر کو پکڑائی، مہدی حسن نے گیند سے سٹمپ گرا کر آؤٹ مانگ لیا،، آؤٹ ہونے کے بعد سلمان علی آغا غصے میں آ گئے ، ،، پویلین واپس جاتے ہوئے بڑبڑاتے رہے،، ہیلمٹ اور دستانے پھینک دیئے۔
اگرچہ قوانین کے مطابق اسے آؤٹ قرار دیا جا سکتا ہے، لیکن کرکٹ حلقوں میں اسے اسپورٹس مین اسپرٹ کے خلاف سمجھا جا رہا ہے۔
سوشل میڈیا پر اس واقعے کے بعد بحث چھڑ گئی۔ کچھ شائقین کا کہنا ہے کہ قوانین کے مطابق عمل کیا گیا، جبکہ کئی سابق کرکٹرز اور مداحوں نے اسے کھیل کی روایات کے منافی قرار دیا۔
