دمبولا میں بارش، پاکستان اور سری لنکا کا میچ نہ ہو سکا

دمبولا : (پاک ترک نیوز)پاکستان اور سری لنکا کے درمیان ٹی ٹوئنٹی سیریز کا دوسرا میچ خراب موسم کی نذر ہو گیا، جہاں مسلسل بارش کے باعث مقابلہ مکمل طور پر منسوخ کر دیا گیا۔
میزبان سری لنکا اور پاکستان کے درمیان تین میچز پر مشتمل ٹی ٹوئنٹی سیریز کا یہ مقابلہ اتوار کو دمبولا میں شیڈول تھا، تاہم بارش نے دن بھر کھیل کی راہ میں رکاوٹ ڈالے رکھی۔ خراب موسم کے باعث پہلے ٹاس نہ ہو سکا اور بعد ازاں میچ آفیشلز نے کھیل ممکن نہ ہونے پر مقابلہ منسوخ کرنے کا اعلان کر دیا۔
اس سے قبل سیریز کے پہلے میچ میں پاکستان کو برتری حاصل ہو چکی ہے، جس کے باعث قومی ٹیم کو تین میچز کی سیریز میں ایک صفر کی سبقت حاصل ہے۔سیریز کا تیسرا اور فیصلہ کن ٹی ٹوئنٹی میچ 11 جنوری کو اسی میدان میں کھیلا جانا طے ہے، جہاں موسم کی صورتحال پر شائقین اور ٹیموں کی نظریں مرکوز رہیں گی۔