لاہور ( پاک ترک نیوز )
آئی سی سی ویمنز ورلڈ کپ کے اہم میچ میں روایتی حریف پاکستان اور بھارت کی ٹیمیں کل مد مقابل آئیں گی ۔
تفصیلات کے مطابق سری لنکا کے شہر کولمبو میں ویمنز ورلڈ کپ 2025کے چھٹے میچ میں پاکستان اور بھارت کا ٹاکرا ہو گا ۔ پاکستانی وقت کے مطابق یہ میچ دن 2بجکر 30منٹ پر شروع ہو گا۔پاکستانی ٹیم کی قیادت فاطمہ ثنا کریں گی جبکہ بھارت کی کمان ہرمن پریت کور کے ہاتھ میں ہے ۔
https://www.youtube.com/watch?v=5JPFxbzbAUk
اس سے قبل دونوں ٹیموں نے آئی سی سی ویمنز ورلڈ کپ 2025میں ایک ایک میچ کھیلا ہے جہاں انڈیا نے افتتاحی میچ میں سری لنکن ویمنز ٹیم کو شکست دی تھی وہیں پاکستان اپنا پہلا میچ بنگلہ دیش سے جیتنے میں کامیاب نہیں ہو سکا تھا ۔
https://www.youtube.com/shorts/fy9I_-IuehE
پوائنٹس ٹیبل پر بھارت 2پوائنٹس کے ساتھ چوتھے جبکہ پاکستان چھٹے نمبر پر موجود ہے ۔
پاکستان ویمنز ٹیم کا ورلڈ کپ میں بھارت کیخلاف ریکارڈ کچھ اچھا نہیں ہے ۔ شاہین ابھی تک ورلڈ کپ کے کسی بھی میچ میں بھارت کو شکست دینے میں کامیاب نہیں ہوسکے ہیں ۔
دونوں ٹیمیں اب تک ورلڈ کپ میں 11مرتبہ ایک دوسرے کے مد مقابل آ چکی ہیں اور تمام میچز میں انڈیا نے کامیابی حاصل کی ہے ۔
واضح رہے کہ مینز ایشیا کپ 2025میں حالیہ کشیدگی کے باعث یہ میچ کافی اہمیت اختیار کرگیا ہے ۔ پاکستانی ویمنز ٹیم بھارت کو ورلڈ میں شکست دینے کیلئے پرعزم ہے ۔
