پاکستان اور انگلینڈ سپر ایٹ کے اہم میچ میں آج مد مقابل ،شاہینوں کو لازمی فتح درکار

کولمبو ( پاک ترک نیوز) پاکستان اور انگلینڈ کی ٹیمیں آج سپر ایٹ مرحلے کے اہم میچ میں آج ٹکرائیں گی ۔ شاہینوں کو اگلے مرحلے میں رسائی کیلئے لازمی فتح درکار ہے ،ہار کی صورت میں سیمی فائنل میں رسائی مشکل ہو سکتی ہے۔
تفصیلات کے مطابق سری لنکا کےپالیکیکے میں پاکستان اور انگلینڈ آج مد مقابل آئیں گی ۔ یہ میچ پاکستانی وقت کے مطابق شام ساڑھے چھ بجے شروع ہو گا۔شاہینوں انگلینڈ کیخلاف کامیابی کیلئے پرعزم ہیں۔
سپر ایٹ مرحلے میں پاکستان اور نیوزی لینڈ کا میچ بارش کے باعث منسوخ کردیا گیا تھا جس کے باعث دونوں ٹیموں کو ایک ایک پوائنٹ ملا تھا ۔ دوسری جانب انگلینڈ نے سری لنکا کو سپر ایٹ مرحلے میں شکست دی تھی اور پوائنٹس ٹیبل پر اس کی پہلی پوزیشن ہے ۔
واضح رہے کہ پاکستان کو اپنے دونوں میچز میں لازمی فتح درکار ہے ورنہ اس کی سیمی فائنل میں رسائی مشکل ہو سکتی ہے ۔