انقرہ ( پاک ترک نیوز) دنیا بھر میں جنگی خطرات بڑھ رہے ہیں ، ایسے میں ترکیہ نے ایک ایسا قدم اٹھا لیا ہے جو خطے کی طاقت کا توازن بدل سکتا ہے،ترکیہ نے جدید اسٹیل ڈوم بنانے کا کام تیز کر دیا گیا ، ،نیا نظام مستقبل کی جنگوں کا نقشہ بدل سکتا ہے۔ اسٹیل ڈوم ایک ایسا جدید فضائی دفاعی نظام جس کا مقصد ملک کو ہر طرح کے فضائی خطرات سے محفوظ بنانا ہے!
ترکیہ کی بڑی دفاعی کمپنی ROKESTSAN کے سی ای او کا کہنا ہے یہ ایک ایسا نظام اسٹیل ڈوم ہے جو وقت کے ساتھ مسلسل اپ گریڈ ہوتا رہے گا یہ ایک ایسا انفراسٹرکچر ہے جس میں ہم مسلسل نئی صلاحیتیں شامل کریں گے، جدید ٹیکنالوجی کو ضم کریں گے اور ابھرتے ہوئے خطرات کے خلاف نئے اقدامات کریں گے،ہم چوبیس گھنٹے کام کر رہے ہیں اور پیداوار کا عمل بغیر کسی سست روی کے جاری ہے۔
اسٹیل ڈوم کو اس طرح ڈیزائن کیا جا رہا ہے کہ یہ بیک وقت کئی خطرات کو روک سکے گا ، نیانظام بیلسٹک میزائل،کروز میزائل،ڈرون حملے،جنگی طیاروں کو سب کو ایک ساتھ تباہ کرنے کی صلاحیت رکھتا ہو گا۔ترکیہ کا اسٹیل ڈوم نظام کیسے کام کرے گا،یہ دشمن کے میزائل ،ڈرون یا طیارے کو دور سے ہی پکڑ لے گا،فضا میں جا کر دشمن کے میزائل یا ڈرون کو تباہ کیا جا سکے گا۔
ماہرین کے مطابق ترکی کا مقصد صرف دفاع ہی نہیں بلکہ خود انحصاری اور بیرونی ممالک پر انحصار کم کرنے کی کوشش ہے ،ترکیہ اپنی دفاعی ٹیکنالوجی خود تیار کرے گا اور خطے میں بڑی فوجی طاقت کے طور پر ابھرے گا۔ترکی کا یہ قدم خطے میں طاقت کا توازن بدل سکتا ہے،دیگر ممالک بھی اپنے دفاعی نظام مزید مضبوط کریں گے۔ایک نئی ہتھیاروں کی دوڑ شروع ہونے کا خدشہ ہے۔
آخری سوال یہ ہےکہ کیا اسٹیل ڈوم نظام ترکیہ کو ناقابل تسخیر بنا دے گا یا دنیا کو نئی جنگی دوڑ کی طرف لے جائے گا۔
