لاہور(پاکت رک نیوز) والٹن روڈ پر ٹریفک قوانین کی خلاف ورزیوں میں سینچری مکمل کرنے والی موٹرسائیکل کو ٹریفک پولیس نے پکڑ لیا۔
پٹرولنگ افسران غلام عربی اور تنویر نے موٹرسائیکل کے برقی چالان چیک کیے تو اس کے ذمے مجموعی طور پر 113 چالان نکل آئے۔ٹریفک پولیس کے مطابق موٹرسائیکل سوار نے 89 مرتبہ بغیر ہیلمٹ موٹرسائیکل چلائی، جبکہ 24 مرتبہ ٹریفک سگنل کی خلاف ورزی کی۔
موٹرسائیکل سوار پر مجموعی طور پر ایک لاکھ 90 ہزار روپے جرمانہ عائد کیا گیا، جبکہ موٹرسائیکل کو تھانہ فیکٹری ایریا میں بند کردیا گیا۔
یہ بھی پڑھیں: نائجیریا میں فضائیہ کا طیارہ گر کر تباہ، 32 افراد جاں بحق
لاہور ٹریفک پولیس کا کہنا ہے کہ منظم ٹریفک کے حصول کے لیے برقی اور ڈیجیٹل چالان کے نادہندگان کے خلاف کارروائیاں جاری رہیں گی۔ٹریفک پولیس کی جانب سے برقی چالان کے نادہندہ سرکاری محکموں کو بھی واجبات کی ادائیگی اور کلیئرنس کے لیے مراسلے ارسال کیے گئے ہیں۔پولیس کے مطابق لاہور شہر میں 20 سے زائد اقسام کی ٹریفک خلاف ورزیوں پر خودکار نمبر پلیٹ شناخت کرنے والے کیمروں کی مدد سے برقی چالان جاری کیے جا رہے ہیں۔
