لاہور( پاک ترک نیوز) مشرق وسطیٰ میں جنگی صورتحال کے باعث ایئر لائنز کو کھربوں روپے کا جھٹکا لگ گیا ، پاکستان سے چار دن میں منسوخ ہونے والی پروازوں کی تعداد چھ سو سے بڑھ گئی ،دنیا بھر سے مشرق وسطیٰ میں سولہ ہزار سے زائد پروازوں کو روکا گیا،فضائی حدود کی بندش اور پروازوں کی منسوخی سے ایئرلائنز کو کھربوں روپے کا نقصان ہوا ۔
مشرق وسطیٰ کے ملکوں کے سات ایئرپورٹس سے پروازوں کی منسوخی سے ایئرلائنز کو اب تک دو کھرب 15 ارب روپے سے زاید ریونیو نقصان ہوچکا ہے ، ایوی ایشن ذرائع کے مطابق چار دن میں صرف پاکستان کے بین الاقوامی ایئرپورٹس سے منسوخی سے ایئرلائنز کو 10 ارب روپے کا ریونیو نقصان برداشت کیا۔
مشرق وسطیٰ کی صورتحال مزید سنگین رہی، فضائی آپریشن بحال نہ ہوا تو ایئرلائنز کا بزنس ٹھپ ہوکر رہ جائے گا ۔۔پروازوں کی منسوخی سے مسافروں کو ریفنڈز اور رہائش کے اضافی اخراجات بھی ایئرلائن کو شدید نقصان پہنچا رہے ہیں۔
