لاہور( پاک ترک نیوز) بلوچستان کے علاقے پسنی میں دفاعِ وطن کی خاطر جان کا نذرانہ پیش کرنے والے میجر وجاہت وحید شہید کو ان کے آبائی شہر لاہور میں سپردِ خاک کر دیا گیا۔ شہید کی نمازِ جنازہ بحریہ ٹاؤن لاہور میں مکمل فوجی اعزاز کے ساتھ ادا کی گئی۔قومی پرچم میں لپٹے میجر جاہت وحید شہید کے جسدِ خاکی کو پاک فوج کے چاق و چوبند دستے نے سلامی پیش کی۔ نمازِ جنازہ میں گورنر پنجاب، کور کمانڈر لاہور، سینئر صوبائی وزراء، سول و عسکری حکام اور اہلِ علاقہ کی بڑی تعداد نے شرکت کی۔
میجر وجاہت وحید شہید نے 18 اکتوبر کو گوادر کے علاقے پسنی میں دیسی ساختہ دھماکا خیز مواد کے دھماکے میں جامِ شہادت نوش کیا تھا۔
یہ بھی پڑھیں: سندھ کابینہ کا اجلاس آج ہوگا، چینی کی برآمد سمیت 24 نکاتی ایجنڈے پر غور
شہید کے پسماندگان میں والدہ، بیوہ اور ایک معصوم بیٹی شامل ہیں۔ میجر وجاہت وحید شہید کی قربانی پر ان کے اہلِ خانہ اور عزیز و اقارب غمزدہ ہیں۔
