لندن (پاک ترک نیوز )دورۂ پاکستان سے قبل انگلینڈ کرکٹ ٹیم کو بڑا دھچکا لگ گیا، وکٹ کیپر بیٹر جوز بٹلر ہیمسٹرنگ انجری کے باعث دورۂ پاکستان سے باہر ہوگئے۔برطانوی میڈیا کے مطابق جوز بٹلر انگلینڈ، پاکستان اور سری لنکا کے درمیان ہونے والی سہ ملکی سیریز میں حصہ نہیں لے سکیں گے۔انگلینڈ کرکٹ ٹیم کے ہیڈ کوچ برینڈن میک کلم نے جوز بٹلر کے سہ ملکی سیریز سے باہر ہونے کی تصدیق کرتے ہوئے کہا کہ جوز بٹلر دورۂ پاکستان میں ٹیم کے ساتھ نہیں ہوں گے۔
یہ بھی پڑھیں: پیٹرولیم مصنوعات کی قیمتوں میں کمی
برینڈن میک کلم کا کہنا تھا کہ اس وقت یہ بتانا مشکل ہے کہ جوز بٹلر مکمل طور پر کب تک فٹ ہوں گے۔جوز بٹلر کو سری لنکا کے خلاف دوسرے ایک روزہ میچ میں بیٹنگ کے دوران ہیمسٹرنگ انجری کا سامنا کرنا پڑا تھا۔انگلینڈ، پاکستان اور سری لنکا کے درمیان سہ ملکی سیریز کا آغاز 18 اکتوبر سے ہوگا، تاہم جوز بٹلر کی عدم دستیابی انگلش ٹیم کے لیے اہم کھلاڑی سے محرومی ہوگی۔
