اسرائیلی فوج کی غزہ میں زمینی آپریشن کی تیاری، سرحدوں پر ٹینک تعینات

غزہ(پاک ترک نیوز ) اسرائیلی فوج نے غزہ میں زمینی آپریشن کی تیاری تیز کرتے ہوئے سرحدوں پر تازہ کمک پہنچا دی۔
سرحدی علاقوں میں اسرائیلی فوجی اور ٹینک تعینات کردیئے گئے ہیں جبکہ سکیورٹی کابینہ کا اہم اجلاس آج طلب کیا گیا ہے جس میں غزہ پر نئے فوجی آپریشن کی منظوری دیئے جانے کا امکان ہے۔
دوسری جانب غزہ پر اسرائیلی فضائی حملے مسلسل جاری ہیں، تازہ کارروائیوں میں مزید 64 فلسطینی شہید ہو گئے جن میں امداد کے منتظر 13 شہری بھی شامل تھے۔
اب تک غزہ میں شہدا کی مجموعی تعداد 62 ہزار 819 تک جا پہنچی ہے جبکہ ایک لاکھ 58 ہزار 629 افراد زخمی ہیں۔
فلسطینی وزارت صحت کا کہنا ہے کہ غزہ میں قحط اور خوراک کی شدید قلت بھی برقرار ہے جہاں بھوک کے باعث مزید 3 افراد جاں بحق ہو گئے ہیں، یوں خوراک نہ ملنے سے ہلاکتوں کی تعداد 303 تک پہنچ گئی ہے۔