واشنگٹن ( پاک ترک نیوز) امریکی انٹیلیجنس اداروں کا کہناہے اسرائیل ایران کے ساتھ امن معاہدے کو سبوتاژ کر سکتا ہے ،امریکی اخبار واشنگٹن پوسٹ کی رپورٹ کے مطابق امریکی انٹیلی جنس جائزوں میں خدشہ ظاہر کیا گیا ہے کہ اسرائیلی وزیر اعظم بنجمن نیتن یاہو ایسے اقدامات کر سکتے ہیں جو ایران کے ساتھ دیرپا امن معاہدے کے لیے امریکی کوششوں کو نقصان پہنچا سکتے ہیں۔
امریکی حکام کے مطابق اسرائیلی قیادت کو لبنان میں جاری کشیدگی اور جنگی صورتحال کے حوالے سے اندرونی سیاسی دباؤ کا سامنا ہے، جس کے باعث ایسے فیصلے کیے جا سکتے ہیں جو امن عمل کو متاثر کریں۔
یہ بھی پڑھیں: امن کی میز خالی، سوالات بے شمار
نئی انٹیلی جنس رپورٹ میں کہا گیا ہے کہ رواں سال متوقع قومی انتخابات کے تناظر میں نیتن یاہو کی سیاسی بقا اس تاثر سے جڑی ہوئی ہے کہ وہ لبنان سے فوجوں کی واپسی کے بجائے حزب اللہ کے خلاف کارروائیوں کو مزید تیز کریں گے۔
