تہران: (پاک ترک نیوز)امریکی دفاع ناکام ہو گیا۔ ایران کاسستا اور عام سا ڈرون امریکہ کے اربوں ڈالر کے دفاعی نظام میں گھس گیا۔ ایران نے امریکہ کو آئینہ دکھا دیا۔
گزشتہ 24 گھنٹوں کے دوران ایران نے امریکہ کے ساتھ جو خطرناک اور ذہین کھیل کھیلا ہے، اگر اس کی گہرائی کو سمجھ لیا جائے تو امریکہ کو اپنی اصل تشویش کا اندازہ ہو جائے گا۔
وہ دن امریکہ کے لیے واقعی خوفناک ہوگا جب اسے مکمل طور پر یہ بات سمجھ آ جائے گی کہ اگر ایران چاہے تو وہ اس کے ایئرکرافٹ کیریئر کو بھی کس حد تک نقصان پہنچا سکتا ہے۔
امریکہ کی جانب سے یہ اعلان کیا گیا کہ ایران کا شاہد 129 ڈرون امریکی حدود میں داخل ہوا تھا اور اسے مار گرایا گیا۔ بظاہر یہ ایک سادہ سی خبر لگتی ہے کہ ایران کا ڈرون تباہ کر دیا گیا، لیکن جب آپ اس معاملے کی گہرائی میں جائیں گے تو حقیقت بالکل مختلف نظر آئے گی۔
یہ ڈرون اُڑا اور امریکی دفاعی اور ریڈار سسٹمز کو چکمہ دیتے ہوئے مکمل طور پر امریکی ایئرکرافٹ کیریئر کے اوپر جا پہنچا۔ ایران کا کہنا ہے کہ یہ ایک ون وے مشن تھا، یعنی اس ڈرون کو واپس آنا ہی نہیں تھا۔
مقصد حملہ کرنا نہیں بلکہ نگرانی، جاسوسی، ویڈیو بنانا اور تمام ڈیٹا کو ریئل ٹائم میں واپس بھیجنا تھا، جو اس نے بخوبی انجام دیا۔
امریکہ کی جانب سے بار بار وارننگ دی گئی، مگر ڈرون نہیں رکا۔ آخرکار امریکیوں کو اپنی آخری دفاعی لائن استعمال کرنا پڑی اور ایک F-35 جنگی طیارہ اُڑایا گیا۔
ذرا تصور کریں کہ ایک سستے اور چھوٹے ڈرون کے پیچھے ملینز ڈالر مالیت کا F-35 طیارہ گھومتا رہا ,یہاں تک کہ آخر میں ڈرون کو تباہ کر دیا گیا۔
لیکن اس وقت تک ایران اپنا مشن مکمل کر چکا تھا۔ ایران نے واضح طور پر کہا ہے کہ ہمارا ڈرون تمام سکیورٹی لیئرز توڑ کر گیا۔ یہ ڈرون انتہائی سستا تھا، مگر اس نے وہ کام کر دکھایا جو امریکہ کے اربوں ڈالر کے دفاعی نظام بھی نہ روک سکے۔
