واشنگٹن ( پاک ترک نیوز) عالمی امن کیلئے پاکستان کی کوششیں رنگ لے آئیں،ایران امریکا معاہدہ طے پاگیا۔معاہدے پر دستخط کی تقریب 19جون کو سوئٹزرلینڈ میں ہوگی
وزیراعظم شہباز شریف نے ایکس پر پیغام میں لکھا امریکا اور ایران کے درمیان طویل مذاکرات کے بعد امن معاہدہ طے پا گیا۔ دونوں ممالک نے فوری اور مستقل طور پر تمام محاذوں پر فوجی کارروائیاں ختم کرنے پر اتفاق کیا ہے ،معاہدے میں لبنان سمیت تمام متعلقہ محاذ شامل ہیں ۔
وزیراعظم نے لکھا دستخط کی تقریب سے قبل فریقین کے درمیان تکنیکی اور عملی امور پر متعدد اجلاس منعقد کیے جائیں گے۔۔۔ وزیراعظم شہباز شریف نے امریکا اور ایران کی قیادت کا شکریہ ادا کیا کہا، دونوں ممالک نے تنازع کے حل کے لیے سفارتی راستہ اختیار کرنے میں سنجیدگی اور عزم کا مظاہرہ کیا۔
وزیراعظم نے لکھا معاہدے کیلئے قطر، سعودی عرب اور ترکیے کے کردار کو سراہتے ہیں۔ پیشرفت خطے میں پائیدار امن کی جانب ایک اہم سنگ میل ہے۔ امید ہے یہ معاہدہ مشرق وسطیٰ میں استحکام اور تعاون کے ایک نئے دور کا آغاز ثابت ہوگا۔
