تہران ( پاک ترک نیوز) ایران کے صدر مسعود پزشکیان نے کہا ہے کہ ایران کے علاقائی ممالک کے ساتھ کوئی بنیادی اختلافات نہیں ہیں اور تہران موجودہ مسائل مذاکرات کے ذریعے حل کرنے کے لیے تیار ہے۔ایرانی ذرائع ابلاغ کے مطابق ایک تقریب سے خطاب کرتے ہوئے مسعود پزشکیان نے کہا کہ خطے کے ممالک کے ساتھ اختلافات کو بات چیت اور مذاکرات کے ذریعے حل کیا جا سکتا ہے۔
یہ بھی پڑھیں: پاکستان اور افغانستان کی کشیدگی ختم کرانے کے لیے روس کی تعاون کی پیشکش
دوسری جانب ایرانی وزیر خارجہ عباس عراقچی نے فرانسیسی صدر ایمانوئل میکرون کے بیان پر سخت ردعمل کا اظہار کیا ہے۔ میکرون نے فرانس میں مظاہروں کی ایک وجہ امریکا اور ایران کے درمیان جنگ کے باعث ایندھن کی بڑھتی ہوئی قیمتوں کو قرار دیا تھا۔عباس عراقچی نے الزام عائد کیا کہ فرانسیسی صدر نے ایران کے خلاف جنگ میں امریکی صدر کی حمایت کی اور امریکی اقدامات کا خیرمقدم کرکے موجودہ صورت حال کی بنیاد رکھی۔
