لاہور: (پاک ترک نیوز)پاکستان کے بھارت کیساتھ میچ کھیلنے سے انکار کے بعد بھارتی میڈیا بوکھلاہٹ کا شکار ہوگیا ہے۔این ڈی ٹی وی کی ایک رپورٹ میں انوکھا انکشاف کیا گیا ہے کہ پاکستان کرکٹ بورڈ کے ایک ذرائع نے بتایا ہے کہ آئی سی سی نے پی سی بی کو خبردار کیا ہے کہ اگر اس نے 15 فروری کو بھارت کے خلاف ہونے والے میچ کا بائیکاٹ کیا تو اسے قانونی کارروائی کا سامنا کرنا پڑ سکتا ہے۔
رپورٹ میں کہا گیا ہے کہ ٹی ٹوئنٹی ورلڈ کپ کے آفیشل براڈکاسٹر جیو اسٹار، جو ایک بھارتی سیٹ اپ ہے،اس کا مؤقف ہے کہ اگر پاکستان اور بھارت کا میچ نہیں ہوا تو وہ پی سی بی کے خلاف قانونی کارروائی کرے گا۔
دوسری جانب اس سے بھی بڑھ کر پریس ٹرسٹ آف انڈیا نے دعویٰ کیا ہے کہ آئی سی سی پاکستان کا سالانہ ریونیو شیئر، جو تقریباً 35 ملین امریکی ڈالر بنتا ہے، روک سکتا ہے اور یہ رقم براہِ راست براڈکاسٹر کو ادا کی جا سکتی ہے تاکہ اس کے ممکنہ نقصان کا ازالہ کیا جا سکے۔
مزید کہا کہ اگر پاکستان اپنے مؤقف میں نرمی نہ دکھائے اور بھارت کے خلاف میچ نہ کھیلے تو اسے مالی جرمانے کے ساتھ ساتھ براڈکاسٹر کی جانب سے مقدمے کا بھی سامنا کرنا پڑ سکتا ہے۔ جہاں بھارتی میڈیا بوکھلاہٹ کا شکار ہوا ہے وہیں ارنب گوسوامی اگر اپنا مذاق نہ بنوائے یہ ممکن نہیں۔
بھارتی اینکر ارنب گوسوامی نے حکومت سے مطالبہ کیا ہے کہ وہ پورے ورلڈ کپ کا ہی بائیکاٹ کر دے۔ یہ ایک انوکھی منطق ہے کہ میزبان ملک خود ہی ٹورنامنٹ سے دستبردار ہو جائے۔
ان کا کہنا ہے کہ بھارت کو پہلے ہی ورلڈ کپ ختم کرنے کا اعلان کر دینا چاہیے تھا۔اس وقت ورلڈ کپ کم کی وجہ سے ہمیں روزانہ شرمندگی کا سامنا کرنا پڑرہا ہے۔ ورلڈ کپ ایک مذاق بن گیا ہے۔
