نئی دہلی ( پاک ترک نیوز) پاکستان اور بھارت کے درمیان سفارتی کشیدگی کے دوران نئی دہلی میں پاکستانی ہائی کمیشن کے باہر بھارتی حکام کی جانب سے رکاوٹیں اور ٹریفک بولارڈز ہٹانے کی کارروائی کی گئی ہے۔
بھارتی میڈیا کے مطابق کارروائی کے دوران بلڈوزر بھی استعمال کیا گیا، جسے پاکستان کی جانب سے کیے گئے بعض اقدامات کے جواب میں جوابی کارروائی قرار دیا جا رہا ہے۔
پاکستانی ہائی کمیشن کے باہر ہونے والی کارروائی کو دونوں ممالک کے درمیان پہلے سے موجود سفارتی کشیدگی میں ایک اور اضافے کے طور پر دیکھا جا رہا ہے۔بھارتی میڈیا نے اس اقدام کو ’’ٹِٹ فار ٹیٹ‘‘ یعنی ’’جیسے کو تیسا‘‘ قرار دیتے ہوئے اسے جوابی اقدام کے طور پر پیش کیا ہے۔
یہ بھی پڑھیں: بلوچستان میں ٹرین سروس ایک روز کے لیے معطل
سفارتی حلقوں کے مطابق دونوں ممالک کے درمیان بڑھتی کشیدگی کے تناظر میں سفارتی مشنز کے حوالے سے ایسے اقدامات صورتحال کو مزید پیچیدہ بنا سکتے ہیں۔
