واشنگٹن (پاک ترک نیوز )امریکی صدر ڈونلڈ ٹرمپ کا کہنا ہے ایران کے نئے سپریم لیڈر مجتبیٰ خامنہ ای شدید زخمی ہیں تاہم ان کی موت نہیں ہوئی۔
ایک انٹرویو میں ڈونلڈ ٹرمپ نے کہا کہ ان کے خیال میں مجتبیٰ خامنہ ای ہلاک نہیں ہوئے، تاہم اگر ایسا ہے تو ایرانی حکام اس معاملے پر بہترین انداز میں پردہ ڈال رہے ہیں۔
ٹرمپ کا کہنا تھا کہ ایرانی حکام اب بھی اہم فیصلوں کے لیے سپریم لیڈر سے حتمی منظوری لینے کا ذکر کرتے ہیں، جس سے انہیں لگتا ہے کہ مجتبیٰ خامنہ ای زندہ ہیں۔
امریکی صدر نے دعویٰ کیا کہ انہیں یقین ہے ایرانی سپریم لیڈر جسم کے بائیں جانب شدید زخمی ہوئے ہیں۔
واضح رہے کہ 28 فروری کو ایران پر امریکی حملوں کے پہلے روز سابق ایرانی سپریم لیڈر علی خامنہ ای ہلاک ہوئے تھے، جس کے بعد مجتبیٰ خامنہ ای کو عوامی سطح پر نہیں دیکھا گیا
