حارث رئوف بگ بیش لیگ میں جان لیوا حادثے سے بال بال بچ گئے

سڈنی ( پاک ترک نیوز) پاکستانی فاسٹ بولر حارث رؤف بگ بیش لیگ میں میلبرن اسٹارز کی نمائندگی کرنے والے جان لیوا حادثے سے بال بال بچ گئے۔
حارث رؤف نے بی بی ایل کے 14ویں میچ میں سڈنی تھنڈرز کے خلاف 29 رنز کے عوض کے 3 وکٹیں حاصل کرکے مین آف دی میچ کا ایوارڈ حاصل کیا۔
اس میچ کی پہلی اننگز کے دوران آخری اوور کی چوتھی گیند پر ریس ٹوپلی نے ہٹ لگائی تو گیند ہوا میں بلند ہوگئی۔
کیچ کیلئے شارٹ تھرڈ پوزیشن پر موجود حارث رؤف اور ڈیپ پوائنٹ پر موجود ہلٹن کارٹرائٹ دوڑے اور دونوں فل لینتھ ڈائیو لگائی۔
اس دوران دونوں کھلاڑی ایک دوسرے سے سر کے بل ٹکرانے سے بال بال بچے جس نے کمنٹیٹرز کو بھی خوفزدہ کردیا تھا۔کمنٹیٹرز نے کہا کہ یہ انتہائی خوفناک ہوسکتا تھا۔