کراچی(پاک ترک نیوز )ملک میں سونے کی قیمت میں بڑا اضافہ ہوگیا، فی تولہ سونا 2 ہزار 800 روپے مہنگا ہونے کے بعد 4 لاکھ 40 ہزار 636 روپے کا ہوگیا۔
سونے کی قیمت میں اضافے کے بعد 10 گرام سونا 2 ہزار 401 روپے مہنگا ہوکر 3 لاکھ 77 ہزار 774 روپے کا ہوگیا۔
عالمی مارکیٹ میں بھی سونے کی قیمت میں اضافہ ریکارڈ کیا گیا، جہاں فی اونس سونا 28 ڈالر اضافے کے بعد 4 ہزار 181 ڈالر پر پہنچ گیا۔
دوسری جانب ملک میں چاندی کی قیمت میں بھی اضافہ ہوا ہے۔ فی تولہ چاندی 108 روپے مہنگی ہوکر 6 ہزار 256 روپے کی ہوگئی، جبکہ 10 گرام چاندی کی قیمت 93 روپے اضافے کے بعد 5 ہزار 363 روپے ریکارڈ کی گئی۔
عالمی مارکیٹ میں چاندی کی قیمت بھی ایک ڈالر اضافے کے بعد 57.78 ڈالر فی اونس ہوگئی۔
