ریاض (پاک ترک نیوز)
سعودی وزارتِ حج و عمرہ نے زائرین کو طے شدہ مناسب رہائش فراہم نہ کرنے پر چار کمپنیوں کو کام کرنے سے روک دیا ہے۔ کمپنیوں کی انتظامیہ کی جانب سے وزارت کے ضوابط کی خلاف ورزی ریکارڈ کی گئی تھی۔
اپنے بیان میںوزارت کا کہنا تھا جن کمپنیوں کا چالان کیا گیا ہے ان کے کیس متعلقہ تحقیقاتی ادارے کے سپرد کر دیے گئے جہاں ان کے خلاف قانون کے مطابق فیصلہ کیا جائے گا‘
وزارت حج وعمرہ نے سروسز فراہم کرنے والی کمپنیوں کو ہدایت کی کہ وہ عمرہ زائرین کے حوالے سے مقررہ ضوابط پرسختی سے عمل درآمد کریں۔ اب تک قواعد وضوابط پر عملدرآمد نہ کرنے کے الزام میں 13حج و عمرہ سروسزکمپنیوں کوکام سے روک کر انکے خلاف تعدیبی کاروائی کی جا رہی ہے۔
وزارت کی ٹیمیں عمرہ زائرین کو فراہم کی جانے والی رہائش اور ٹرانسپورٹ کی سہولت کے بارے میں تفتیش کرتی ہیں جس کا مقصد خلاف ورزیوں کا تدارک کرنا اور ضوابط پر عمل نہ کرنے والوں سے نمٹنا ہے۔
عمرہ زائرین کو طے شدہ رہائش نہ دینے پر مزید چار کمپنیاں معطل
