کراچی ( پاک ترک نیوز) کراچی میں گرفتر کوکین کوئین انمول عرف پنکی کے مالیاتی ریکارڈ کی چھان بین جاری ہے ،پنکی کے ایک بند کرائے گئے بینک اکاونٹ کی تفصیل بھی سامنے آ گئی۔
غیرملکی بینک کی برانچ کا اکاونٹ جنوری 2017 سےدسمبر2024تک زیر استعمال رہا ۔1 ہزار4سو39 ٹرانزیکشنزکے ذریعے 6کروڑ40 لاکھ48 ہزار8سو 48 روپے جمع کرائے گئے ،اکاونٹ سے854ٹرانزیکشنزکے ذریعے 6کروڑ38 لاکھ4 ہزار556روپے نکلوائے گئے۔
اکاؤنٹ میں 696 کیش ٹرانزیکشنز کے ذریعے5 کروڑ74 لاکھ26ہزار5 سو روپے اکاونٹ میں جمع ہوئے،2017 میں 22 لاکھ سے زائد،2018 میں 25 لاکھ سے روپے سے زائد رقم نکلوائی گئی۔
یہ بھی پڑھیں: جوا پروموشن کیس ،ملزمہ عروب جتوئی کی ضمانت میں 29جون تک توسیع
اکاؤنٹ سے 2019 میں 16لاکھ سے زائد،2020 میں 10لاکھ سے زائد،2021 میں 6لاکھ سےزائد نکلوائے گئے۔ 2022 میں نکلوائی گئی رقم11 لاکھ سے زائد،2023 میں 18 لاکھ اور2024 میں 23 لاکھ سے زائد تھی،غیر ملکی بینک میں موجود اس اکاونٹ کوایک ادارے کے مراسلے پر بند کیا گیا تھا۔
