پیرس (پاک ترک نیوز )فرانسیسی شہری کیون لامور نے فیفا کے چیف آپریٹنگ آفیسر کے عہدے سے استعفیٰ دے دیا ہے۔ فیفا نے ان کے عہدہ چھوڑنے کی تصدیق کردی۔
کیون لامور فیفا کے ان اعلیٰ عہدیداروں میں شامل تھے جنہوں نے صدر گیانی انفانٹینو کے نجی سرمایہ کاروں سے متعلق اس منصوبے پر کھل کر تنقید کی تھی، جسے بعد میں ختم کردیا گیا۔
اس منصوبے کے تحت ورلڈ کپ سمیت مختلف مقابلوں میں نجی سرمایہ کاروں کو حصص فروخت کرنے کی تجویز دی گئی تھی۔ لامور نے اس منصوبے کو "ایک شخص کا منصوبہ” قرار دیا تھا۔
31 جولائی کو ایسوسی ایٹڈ پریس کو بھیجے گئے ایک بیان میں کیون لامور نے کہا تھا کہ اب وقت آگیا ہے کہ فٹبال کی سیاسی قیادتیں خود سے درست سوالات کریں اور درست فیصلے کریں۔
کیون لامور اس سے قبل یورپی فٹبال کی گورننگ باڈی یوئیفا سے وابستہ رہے، جبکہ انہوں نے نومبر 2024 میں فیفا کے چیف آپریٹنگ آفیسر کا عہدہ سنبھالا تھا۔
