نیو یارک ( پاک ترک نیوز) نائب وزیراعظم اور وزیر خارجہ اسحاق ڈار اقوام متحدہ کی جنرل اسمبلی کے اکیاسی ویں اجلاس میں شرکت کے لیے نیویارک پہنچ گئے۔ پاکستان کے مستقل مندوب عاصم افتخار احمد، امریکا میں پاکستانی سفیر رضوان سعید شیخ اور نیویارک میں قونصل جنرل عامر احمد عتو زئی نے نائب وزیراعظم کا استقبال کیا۔اقوام متحدہ میں پاکستان کے مشن اور نیویارک قونصلیٹ کے افسران بھی اسحاق ڈار کے استقبال کے لیے موجود تھے۔ترجمان دفتر خارجہ کے مطابق نائب وزیراعظم کا نیویارک میں آئندہ ہفتے اعلیٰ سطح کی ملاقاتوں اور اہم سرگرمیوں سے بھرپور پروگرام ہے۔
یہ بھی پڑھیں: وزیراعظم شہباز شریف آج امریکا پہنچیں گے
اسحاق ڈار مختلف وزارتی فورمز میں شرکت کریں گے اور پاکستان کی اہم ترجیحات پر ملکی مؤقف پیش کریں گے۔نائب وزیراعظم اقوام متحدہ کے ایجنڈے سے متعلق دوطرفہ، علاقائی اور عالمی اہمیت کے معاملات پر پاکستان کے بیانات اور مؤقف بھی پیش کریں گے۔اسحاق ڈار وزیراعظم شہباز شریف کے ہمراہ ہونے والی ملاقاتوں اور اقوام متحدہ کی جنرل اسمبلی کی جانب سے منعقد کی جانے والی اہم سرگرمیوں میں بھی شرکت کریں گے۔
ترجمان دفتر خارجہ کے مطابق نائب وزیراعظم مختلف ممالک کے وزرائے خارجہ سے متعدد دوطرفہ ملاقاتیں بھی کریں گے
