آئین پر مکمل عملدرآمد سے ہی جمہوریت قائم رہ سکتی ہے،صدر،وزیراعظم

اسلام آباد ( پاک ترک نیوز) صدر مملکت اور وزیراعظم نے دستور کے قومی دن پر پیغام میں کہا آئین پر مکمل عملدرآمد سے ہی جمہوریت قائم رہ سکتی ہے۔
صدر آصف علی زرداری نے کہا1973ء کا آئین قومی وحدت کی علامت ہے ، دستور نے پہلی بار ایک براہِ راست منتخب ہونے والی پارلیمنٹ کے ذریعے، بالغ رائے دہی کی بنیاد پر، ملک کو ایک متفقہ آئینی نظام فراہم کیا۔
وزیراعظم شہبازشریف کا قومی اتحاد اور آئینی بالا دستی پر زور ، کہا ، 1973کا آئین وفاق پاکستان اور قومی اتحاد کی درخشندہ علامت ہے، آئین شہریوں کے حقوق و فرائض کا قانونی، اخلاقی اور انتظامی تعین کرتا ہے۔