اسلام آباد ( پاک ترک نیوز) بانی پی ٹی آئی عمران خان کی ہسپتال منتقلی سے متعلق معاملے میں اہم پیش رفت سامنے آئی ہے۔ ذرائع کے مطابق چیف کمشنر اسلام آباد کی جانب سے سپریم کورٹ میں دائر کی گئی نظرثانی درخواست رجسٹرار آفس نے اعتراض عائد کرکے واپس کردی۔
بانی پی ٹی آئی عمران خان کی ہسپتال منتقلی سے متعلق معاملے میں اہم پیش رفت سامنے آئی ہے۔ ذرائع کے مطابق چیف کمشنر اسلام آباد کی جانب سے سپریم کورٹ میں دائر کی گئی نظرثانی درخواست رجسٹرار آفس نے اعتراض عائد کرکے واپس کردی۔
ذرائع کا کہنا ہے کہ رجسٹرار آفس کی جانب سے نظرثانی درخواست پر گزشتہ روز اعتراضات عائد کیے گئے تھے۔ درخواست کے ساتھ مطلوبہ پیپر بُکس مکمل نہ ہونے پر بھی اعتراض کیا گیا۔ذرائع کے مطابق رجسٹرار آفس نے درخواست کے ساتھ جمع کرائے گئے دستاویزات اور پیپر بُکس سے متعلق قانونی تقاضے مکمل نہ ہونے کی نشاندہی کی ہے، جس کے باعث درخواست اس مرحلے پر عدالت کے سامنے سماعت کے لیے پیش نہیں ہوسکی۔
ذرائع کا کہنا ہے کہ نظرثانی درخواست واپس کیے جانے کے بعد متعلقہ حکام کی جانب سے رجسٹرار آفس کے اعتراضات دور کرنے کا عمل شروع کردیا گیا ہے۔اعتراضات دور ہونے کے بعد نظرثانی درخواست دوبارہ سپریم کورٹ میں دائر کی جائے گی، جس کے بعد عدالت درخواست کو مقررہ قانونی طریقہ کار کے تحت سماعت کے لیے مقرر کرے گی۔
یہ بھی پڑھیں: بانی پی ٹی آئی شفا ہسپتال منتقل ہوں گے یا نہیں؟ عدالتی ڈیڈ لائن کا آج آخری دن
حکومت نے بانی پی ٹی آئی کو شفا ہسپتال منتقل کرنے سے متعلق سپریم کورٹ کے حکم پر نظرثانی کی درخواست دائر کی تھی۔ حکومت کا مؤقف ہے کہ قیدی کو علاج کے لیے ہسپتال منتقل کرنے سے متعلق جیل رولز میں طریقہ کار موجود ہے اور عدالت کے حکم میں متعلقہ قواعد کو مدنظر نہیں رکھا گیا۔
