پاکستان کیخلاف ٹی ٹونٹی سیریز، آسٹریلوی ٹیم لاہور پہنچ گئی

لاہور: (پاک ترک نیوز)پاکستان کے خلاف3 ٹی ٹونٹی میچز پر مشتمل سیریز کھیلنے کے لیے آسٹریلوی کرکٹ ٹیم لاہور پہنچ گئی ہے۔
آسٹریلوی کرکٹ ٹیم کا 17رکنی اسکواڈ آج آرام کرے گا، خیال رہے کہ پاکستان کے خلاف جمعرات سے شروع ہونے والی ٹی ٹونٹی سیریز کے پہلے میچ میں آسٹریلوی ٹیم کی قیادت ٹریوس ہیڈ کریں گے۔
اس حوالے سے آسٹریلوی رپورٹس میں بتایا گیا ہے کہ باقاعدہ کپتان میچل مارش اور وکٹ کیپر بیٹر جوش انگلس کو پہلے ٹی ٹوئنٹی میچ میں آرام دیے جانے پر غور کیا جا رہا ہے۔
یچل مارش اور جوش انگلس نے اتوار کو بگ بیش لیگ (بی بی ایل) کا فائنل کھیلا تھا، جس کے باعث مینجمنٹ ورک لوڈ مینجمنٹ کے تحت دونوں کھلاڑیوں کو آرام دے سکتی ہے۔