لاہور(پاک ترک نیوز ) آسٹریلیا نے تین ٹی ٹونٹی میچز پر مشتمل سیریز کیلئے 17رکنی سکواڈ کا اعلان کردیا ۔
آسٹریلوی کے اعلان کردہ سکواڈ میں پیٹ کمنز ،ہیزل ووڈ اور ٹم ڈیوڈ کو انجری کے باعث شامل نہیں کیا گیا ۔پاکستان اور آسٹریلیا کے درمیان 3 ٹی ٹونٹی میچز کی سیریز لاہور میں کھیلی جائے گی۔
آسٹریلوی سلیکٹرز کا کہنا ہے کہ ان کھلاڑیوں کو ٹی ٹونٹی ورلڈ کپ سے قبل مکمل فٹنس حاصل کرنے کے لیے اضافی وقت دیا گیا ہے جس کے باعث وہ پاکستان کا مختصر دورہ مس کریں گے۔
آسٹریلوی ٹیم کی قیادت آل راونڈر مچل مارش کریں گے، سکواڈ میں بین ڈوارشوئس، جیک ایڈورڈز، شان ایبٹ، زیویئر بارٹلیٹ، ماہلی بیئرڈمین، کوپر کونولی، کیمرون گرین، ٹریوس ہیڈ، جوش انگلس، میتھیو کوہنیمن، مچ اوون سمیت دیگر کھلا ڑی بھی شامل ہوں گے۔
آسٹریلوی کرکٹ ٹیم کا دورہ پاکستان 29 جنوری سے یکم فروری تک شیڈول ہے، پاکستان اور آسٹریلیا کے درمیان 3 ٹی ٹونٹی میچز کی سیریز پاکستانی وقت کے مطابق شام چار بجے کھیلی جائے گی۔
آسٹریلیا نے دورہ پاکستان کیلئے 17رکنی سکواڈ کا اعلان کردیا
