اسلام آباد ( پاک ترک نیوز) وزیراعظم شہبازشریف کا کہنا ہے ایران ،امریکا امن معاہدے میں پاکستان نے ثالثی کی ،آج ایک تاریخ ساز دن ہے۔
قومی اسمبلی میں خطاب کرتے ہوئے وزیراعظم شہبازشریف نے کہا پاکستان نے خلوص دل سے امن کیلئے کاوشیں کیں ۔ امریکا اور ایران میں اب جنگ بندی ہو چکی ہے،اگلے ساٹھ روز میں تکنیکی بات چیت ہو گی ، ساٹھ دن کے بعد طویل المدتی معاہدے کی پوری امید ہے ۔
یہ بھی پڑھیں: اسرائیل لبنان مذاکرات کا نیا دور اگلے ہفتے واشنگٹن ڈی سی میں ہو گا
وزیراعظم نے کہا امریکا اور ایران میں معاہدے سے دنیا میں امن ہو گا،۔ایرانی صدر ہماری دعوت پر آج پاکستان آ رہے ہیں ،پاک ایران تعلقات میں بہتری پر بات چیت ہو گی۔
وزیراعظم نے مزید کہا جب تک چارووں صوبے ترقی کے عمل میں شریک نہیں ہوںگے ،پاکستان ترقی نہیں کر سکتا۔ دو ہزار اٹھارہ کے الیکشن ٹھیک تھے تو یہ بھی ٹھیک ہیں۔
