اسلام آباد ( پاک ترک نیوز) پنجاب کے کئی شہروں میں جل تھل ایک ہو گیا۔لاہور میں وقفے وقفے سے بارش سے گرمی کی شدت کم ہو گئی۔لاہور میں سب سے زیادہ بارش نشتر ٹاؤن میں بیالیس اعشاریہ دو ریکارڈ کی گئی ۔ایئر پورٹ روڈ پر 30 اور جوہر ٹاؤن میں بیس اعشاریہ چھ ملی میٹر بارش ہوئی۔
لاہور میں بارش سے جوہر ٹاؤن میں شادیوال چوک سے شوکت خانم اسپتال جانے والی سڑک پر گہرا گڑھا پڑ گیا،ٹریفک کی روانی متاثر ہو گئی۔
اسلام آباد ،راولپنڈی میں بارش سے موسم خوشگوارہو گیا۔وزیر آباد میں بارش سے نشیبی علاقے زیر آب آ گئے،سڑکیں اور گلیاں ندی نالوں کا منظر پیش کرنے لگیں۔
گکھڑ منڈی،مرید کے ،شیخوپورہ ،جہلم میں بارش ،کوٹ ادو،ڈیرہ غازی خان میں بھی بادل جم کر برسے ،کئی علاقوں کی بجلی بند ہو گئی۔محکمہ موسمیات نے پنجاب میں مزید بارش کی پیش گوئی کی ہے۔
یہ بھی پڑھیں: مارکو روبیو کا ایران کے ساتھ دوبارہ مذاکرات کی خواہش کا اظہار
ادھر خیبر پختونخوا کے کئی علاقوں میں دوسرے روز بھی بارش ہوئی۔ مالا کنڈ ،صوابی اور دیگر علاقوں میں بادل جم کر برسے۔
دیر بالا میں طوفانی بارشوں سے ندی نالوں میں طغیانی آ گئی ، دیر بالا چترال روڈ بند کر دی گئی،دریائے پنجکوڑہ میں پانی کے بہاؤ میں اضافہ ہو گیا۔ خیبر پختونخوا میں بارشوں کے باعث حادثات میں سولہ افراد جان سے گئے۔
