پی آئی اے کا پیرس کیلئے محدود مدت کیلئے رعایت کا آغاز

اسلام آباد ( پاک ترک نیوز) پاکستان انٹرنیشنل ایئر لائنز نے پیرس سے پاکستان جانیوالےمسافروں کیلئے محدود مدت کیلئے دی گئی رعایت کا آغاز کردیا ہے۔
پی آئی اے نے پیرس سے پاکستان جانے والے مسافروں کے لیے ٹکٹوں پر 25 فیصد رعایت کا اعلان کیا ہے۔ یہ آفر 25اگست سے 28ستمبر کے درمیان بکنگ کروانے والوں کیلئے ہوگی ۔ بکنگ کی آخری تاریخ 31اگست 2025ہے۔
اس رعایت کا اطلاق پورے یورپ اور برطانیہ میں ایئر فرانس کے ساتھ جڑنے والے راستوں پر بھی ہوتا ہے۔
پی آئی اے کی جانب سے تصدیق کی گئی ہے کہ وہ لاہور سے پیرس پروازوں کو بند کرنے جا رہے ہیں ۔ آخری پروازیں 12اور 17ستمبر کو شیڈول ہیں ۔اسلام آباد پیرس روٹ جاری رہے گا۔