پاکستان کا آبنائے ہرمز میں معمول کی بحری نقل و حرکت کی بحالی کا مطالبہ

نیویارک(پاک ترک نیوز )پاکستان نے آبنائے ہرمز میں معمول کی بحری نقل و حرکت کی بحالی کا مطالبہ کر دیا ۔
پاکستانی مستقل مندوب عاصم افتخار نے آبنائے ہرمز پر اقوام متحدہ کی جنرل اسمبلی سے خطاب میں کہا کہ مشرق وسطیٰ میں تنازع نے نہ صرف خطے بلکہ اس سے باہر بھی سب کو متاثر کیا، تنازع کی ابتدا ہی سے پاکستان نے مذاکرات کی بحالی کو ترجیح دی۔
پاکستان نے کشیدگی میں کمی، اور جنگ بندی کو ترجیح دی، گیارہ اور بارہ اپریل کو اسلام آباد مذاکرات کی کامیاب میزبانی کی، مذاکرات پاکستان کی سفارتی کوششوں کے نتیجے میں ممکن ہوئے، اسلام آباد مذاکرات کے ذریعے پاکستان جنگ کے خاتمے کیلئے کوشاں ہے۔