وزیراعظم کا دورہ ترکیہ ، انطالیہ ڈپلومیسی فورم میں شرکت کریں گے

انقرہ( پاک ترک نیوز )وزیراعظم شہبازشریف ترکیہ پہنچ گئے، انطالیہ کے ایئرپورٹ پر پُرتپاک استقبال،، وزیراعظم پانچویں انطالیہ ڈپلومیسی فورم میں شرکت کریں گے،، وزیراعظم شہبازشریف کی ترک صدر رجب طیب اردوان اور دیگر اہم عالمی رہنماوں سے ملاقاتیں متوقع ہیں ، نائب وزیراعظم اسحاق ڈار، وزیراطلاعات عطااللہ تارڑ، معاون خصوصی طارق فاطمی بھی وزیراعظم کے ہمراہ ترکیہ پہنچے۔
اس سے پہلے وزیراعظم شہبازشریف اور امیر قطر شیخ تمیم بن حمد آل ثانی کی قطر میں ملاقات ہوئی ہے جس میں مشرق وسطی کی صورتحال، امن و استحکام اور کشیدگی میں کمی پر تبادلہ خیال کیا گیا ۔
دوحہ میں ہونے والی ملاقات میں پاکستان نے قطر پر حملوں کی شدید مذمت کرتے ہوئے مکمل یکجہتی کا اظہارکا اظہار کیا ،دونوں ملکوں نے دوطرفہ تعلقات، دفاع، سکیورٹی اور توانائی تعاون بڑھانے پر اتفاق کیا ہے ، پاکستان اور قطر کے دیرینہ برادرانہ تعلقات کو مزید مضبوط بنانے کے عزم کا اعادہ کیا گیا ، دوحہ پہنچنے پر وزیراعظم کو قطری مسلح افواج کے چاک و چوبند دستے کی سلامی دی گئی ،، دوحہ ائیرپورٹ اور شہر کو پاکستانی پرچموں سے سجایا گیا