تہران (پاک ترک نیوز )ایرانی پارلیمنٹ کے اسپیکر محمد باقر قالیباف نے کہا ہے کہ غیر علاقائی طاقتوں پر انحصار کرنے والی سیکیورٹی ہمیشہ ناپائیدار اور عارضی ہوتی ہے۔
محمد باقر قالیباف کے مطابق مسلم ممالک کے باہمی عزم اور تعاون ہی سے مستقل، باوقار اور دیرپا امن قائم کیا جا سکتا ہے۔
انہوں نے کہا کہ خطے میں نئے علاقائی معاہدے اس بات کا ثبوت ہیں کہ مسلم ممالک اب اپنی صلاحیتوں پر بھروسہ کر رہے ہیں۔
قالیباف کا کہنا تھا کہ ہمسایہ ممالک نے تخریب کاری اور باہمی دشمنیوں کے بجائے تعاون اور بھائی چارے کو ترجیح دینا شروع کر دی ہے۔
انہوں نے زور دیا کہ اسلامی دنیا کو بیرونی مداخلت سے پاک اور خود کفیل سیکیورٹی فریم ورک اپنانے کی ضرورت ہے۔
