دبئی (پاک ترک نیوز) انٹرنیشنل کونسل ( آئی سی سی ) نے ٹی ٹونٹی ورلڈ کپ 2026کے سیمی فائنل کا شیڈول تبدیل کردیا ۔
تفصیلات کےمطابق سری لنکا کے سیمی فائنل میں پہنچنے پر پاکستان سیمی فائنل کیلئے کوالیفائی کرے یا نہ کرے کولمبو میں کھیلا جائے گا چاہئے بھارتی ٹیم مد مقابل ہو یا کوئی اور ہو ۔
آئی سی سی نے تمام سٹیک ہولڈرز کو بھیجے گئے اعلامیے میں سیمی فائنلز کے انتظامات کی وضاحت کردی ہے ۔
انٹرنیشنل کرکٹ کونسل کی جانب سے جاری کئے گئے اعلامیے کے مطابق مخصوص شرائط کے مطابق پہلا سیمی فائنل کولمبو یا کولکتہ میں ہو گا ۔
پاکستان کے سیمی فائنل کیلئے کوالیفائی کرنے پر 4مارچ کو سیمی فائنل ون کھیلا جائے گا ۔اگر سیمی فائنل میں پاکستان جگہ بنانے میں ناکام رہتا ہے اور سری لنکا کوالیفائی کر جاتا ہے تو بھارت کے علاوہ جو بھی ٹیم ہو گا تو سیمی فائنل ون کولمبو میں ہی کھیلا جائے گا ۔
اگر پاکستان اور سری لنکا دونوں سیمی فائنل کی دوڑ سے باہر ہو جاتے ہیں تو سیمی فائنل ون کولکتہ جبکہ سیمی فائنل ٹو ممبئی میں کھیلا جائے گا ۔
بھارت کے سیمی فائنل میں رسائی حاصل کرنے کی صورت میں وہ ممبئی میں کھیلے گا تاہم اگر اس کا مقابلہ پاکستان سے ہوا تو میچ کولمبو منتقل ہو جائے گا ۔
