بانی پی ٹی آئی سے اہلخانہ کی ملاقات کرائیں ،وزیراعلیٰ سہیل آفریدی کا وزیراعظم کو خط

پشاور ( پاک ترک نیوز) وزیراعلیٰ خیبر پختونخوا سہیل آفریدی نے عید پر بانی پی ٹی آئی اور بشریٰ بی بی کو اہلخانہ سے ملاقات کے لیے وزیراعظم کو خط لکھ دیا ۔
خط میں کہا گیا بانی پی ٹی آئی اور بشریٰ بی بی اس وقت اڈیالہ جیل میں زیر حراست ہیں ان سے ملاقاتوں کا معاملہ پہلے بھی متعدد بار اٹھایا جا چکا ہے۔وزیراعلیٰ نے اس بات پر زور دیا کہ قیدیوں کو اہل خانہ سے ملاقات کا حق قانونی اور انسانی ہمدردی کے اصولوں کے تحت یقینی بنایا جانا چاہیئے۔
قیدیوں کو اہلخانہ سے ملاقات، انسانی سلوک اور مناسب طبی سہولیات فراہم کرنا ریاست کی قانونی ذمہ داری ہے۔