واشنگٹن (پاک ترک نیوز )مشرق وسطیٰ میں امریکی عسکری موجودگی بڑھانے کا فیصلہ، تیسرا طیارہ بردار بحری جہاز یو ایس ایس تھیوڈور روزویلٹ، اس کے جنگی بحری دستے اور تیرہویں میرین مہماتی یونٹ کو خطے میں تعینات کرنے کی تیاری کر لی گئی۔
امریکی ذرائع ابلاغ کی رپورٹ کے مطابق تقریباً 10 ہزار اضافی امریکی بحری اہلکاروں اور میرینز کی نومبر کے آخر تک خطے میں آمد متوقع ہے، جس سے مشرق وسطیٰ میں امریکی جنگی صلاحیتوں میں مزید اضافہ ہوگا۔
رپورٹ کے مطابق نیا امریکی بحری دستہ خطے میں پہلے سے موجود یو ایس ایس جارج ایچ ڈبلیو بش اور یو ایس ایس جارج واشنگٹن کے ساتھ شامل ہوگا۔
یہ پیش رفت امریکی وزیر دفاع پیٹ ہیگسیتھ کے اسرائیل میں واقع اوودا فضائی اڈے کے دورے کے فوراً بعد سامنے آئی ہے، جہاں انہوں نے اسرائیلی وزیراعظم بنیامین نیتن یاہو سے ملاقات کی۔ یہ دورہ غیر اعلانیہ تھا۔
