لاہور( پاک ترک نیوز) پنجاب حکومت نے سرٹیفائیڈ سکلڈ ورک فورس کی ایکسپورٹ شروع ہو گئی ، وزیراعلیٰ مریم نواز نے پرواز کارڈ کے کامیاب امیدواروں سے بیرون ملک روانگی سے قبل الوداعی ملاقات کی۔۔پرواز کارڈ کے تحت بیرونِ ملک جانے والے پنجاب بھر کے 135 نوجوانوں نے تقریب میں شرکت کی ۔
وزیراعلیٰ پنجاب مریم نواز نے کہا پرواز کارڈ اسکیم کے تحت 135 بچوں کا گروپ 28 جون کو بیرونِ ملک روانہ ہو رہا ہے۔ کچھ کر دکھانے کا عزم اور نوجوانوں کی توانائی دیکھ کر دل خوش ہو گیا۔ بیمار والدین اور چھوٹے بہن بھائیوں کی ذمہ داری اٹھانا کوئی چھوٹی بات نہیں۔ اتنی چھوٹی عمر میں اتنی بڑی ذمہ داری کا احساس ہونا انتہائی خوش آئند ہے۔
وزیراعلیٰ پنجاب نے کہا اللہ نے محنتی نے آپ کو ہاتھ پھیلانے والا نہیں بلکہ ہاتھ دینے والا بنایا ہے- بہت سے لوگ نوکری کے خواہش مند ہوتے ہیں لیکن ان کے پاس روزگار کے مواقع نہیں ہوتے- بیرونِ ملک جا کر نہ صرف روزگار کے بہترین مواقع ملیں گے بلکہ نیا ایکسپوزر بھی حاصل ہوگا-
وزیراعلیٰ پنجاب نے کہا دنیابھرمیں غیرہنرمندکووہ مقام نہیں ملتاجوہنرمندافرادکوملتاہے خلیجی ممالک میں پاکستانیوں کی بڑی تعداد جاتی ہے، افسوس سب سے زیادہ شرح غیر ہنر مند افراد کی ہے-جب تک ہنر مند ورک فورس نہیں ہوگی، تب تک عالمی مارکیٹ میں وہ مقام اور عزت نہیں ملتی- پنجاب حکومت صوبے کے 5 لاکھ بچوں کو جدید عالمی تقاضوں کے مطابق ٹریننگ دے رہی ہے-
یہ بھی پڑھیں: آئیں ماضی کو درست کریں ،ایوان کا تقدس بحال کریں ،خواجہ آصف کی اپوزیشن کو پیشکش
وزیراعلیٰ پنجاب نے کہا پرواز کارڈ کے ذریعے نوجوانوں کو 3 لاکھ روپے تک کا بلا سود قرضہ دے رہے ہیں- قرض کی واپسی کے لیے شروع کے تین ماہ کچھ نہیں دینا ہوگا، بعد میں آسان قسطوں میں ادائیگی ہوگی-
وزیراعلیٰ نے کہا بیرونِ ملک جا کر آپ کو بہترین تنخواہ ملے گی اور کام کا نیا ماحول سیکھنے کو ملے گا- مجھے بہت خوشی ہے، آج آپ کی روانگی پر ماں کی طرح ماننددے کر الوداع کرنا چاہتی ہوں- باہر جا کر کبھی یہ نہ بھولنا کہ آپ پاکستانی ہو، آپ بیرونِ ملک اپنے ملک کے سفیر ہو-
تقریب کے دوران بریفنگ میں بتایا گیا کہ پرواز کارڈ کے تحت تمام نوجوانوں کی سلیکشن 100 فیصد خالص میرٹ پر کی گئی ۔ پہلے مرحلے میں کامیاب ہونے والے نوجوان ہاسپیٹلٹی اور کنسٹرکشن کے شعبوں میں بیرونِ ملک جا رہے ہیں-
وزیراعلیٰ مریم نواز شریف کو پرواز کارڈ کے کامیاب امیدواروں کی جانب سے تحائف پیش کیے گئے ،پرواز کارڈ کے کامیاب امیدواروں نے وزیراعلیٰ مریم نواز اور قائد محمد نواز شریف کا پورٹریٹ پیش کیا، وزیراعلیٰ مریم نواز شریف نے کامیاب امیدواروں میں پرواز کارڈ تقسیم کیے۔
وزیراعلیٰ پنجاب مریم نواز نے مزید کہا جس دن بھی ہراسمنٹ کا کوئی واقعہ ہو، جب تک ملزم پکڑا نہ جائے آرام سے نہیں بیٹھتی-
