نیب کی تاریخ کی سب سے بڑی ریکوری

اسلام آباد ( پاک ترک نیوز) نیب نے اپنی تاریخ کی سب سے بڑی ریکوری کا ریکارڈ بنا ڈالا، صرف 3 سالوں میں 115 کھرب روپے سے زائد کی ریکوری کر لی گئی۔
سینٹ کی قائمہ کمیٹی برائے قانون و انصاف میں نیب ریکوری اور اصلاحات کی مکمل رپورٹ پیش کر دی گئی ،رپورٹ کے مطابق ادارے پر خرچ ہونے والے ہر ایک روپے کے بدلے 629 روپے واپس آئے، نیب نے 48 لاکھ 50 ہزار ایکڑ سرکاری زمین واگزار کروا کر 110 کھرب روپے کی قومی بچت کی۔
ہاؤسنگ سوسائٹیز میں لٹنے والے 1 لاکھ 29 ہزار متاثرین کے 213 ارب روپے واپس دلائے گئے، منی لانڈرنگ کے خلاف کارروائی میں نیب نے 85 ارب 40 کروڑ روپے کے اثاثے منجمد کر دیے۔50 کروڑ روپے سے کم کی کرپشن پر ایکشن نہ لینا احتساب کے عمل میں بڑی رکاوٹ ہے۔