اسلام آباد (پاک ترک نیوز )وفاقی اٗئینی عدالت نے پاسپورٹ اینڈ امیگریشن رولز کی کالعدم شدہ دفعات بحال کر دیں۔دفعات بحالی سے شہریوں کے نام پاسپورٹ کنٹرول لسٹ میں شامل کرنے کا اختیار بحال کر دیا گیا ۔وفاقی آئینی دولت نے لاہور ہائی کورٹ کا فیصلہ معطل کردیا،حکومتی اپیل سماعت کیلئے منظور کرلی گئی ،جسٹس حسن اظہر رضوی کی سربراہی میں دو رکنی بنچ نے فریقین کو نوٹس جاری کر دیئے ،جسٹس حسن اظہر رضوی نے کہا کیا یہ ڈنکی لگا کر جانے والوں کا کیس ہے؟ ایڈیشنل اٹارنی جنرل نے کہا فرحان علی نامی شہری غیرقانونی طور پر ایران گیا جہاں سے ڈی پورٹ ہوا تھا، غیرقانونی اقدامات پر پاسپورٹ کنٹرول لسٹ میں نام شامل کیا گیا،پاسپورٹ کنٹرول لسٹ میں نام کی شمولیت اور پاسپورٹ غیرفعال ہونا چیلنج کیا گیا۔
جسٹس حسن اظہر رضوی نے ریمارکس دیئے یہ خود باہر جانے والا تھا یا لوگوں سے پیسہ لیکر اٹلی بھیجتا تھا؟ ایف آئی اے نے اب تک کیا تفتیش کی ہے؟
ایڈیشنل اٹارنی جنرل نے کہا اس حوالے سے ایف آئی اے سے معلومات نہیں لیں،لاہور ہائی کورٹ نے پاسپورٹ اینڈ امیگریشن کے رول تین اور دس کالعدم قرار دیدیے، عدالت نے لاہور ہائی کورٹ کا فیصلہ معطل کرتے ہوئے سماعت غیر معینہ مدت تک ملتوی کر دی۔
وفاقی آئینی عدالت کا حکومت کو بڑا ریلیف
