اسلام آباد(پاک ترک نیوز)خیبرپختونخوا میں گورنر راج اور ایمرجنسی کے نفاذ کے معاملے پر پارلیمان سے توثیق کرانے کا فیصلہ کر لیا گیا۔ قومی اسمبلی اور سینیٹ کے اجلاس آج شام سوا چھ بجے طلب کر لیے گئے ہیں۔
صدر مملکت آصف علی زرداری کی منظوری کے بعد قومی اسمبلی اور سینیٹ کے اجلاس بلائے گئے ہیں، جن میں خیبرپختونخوا میں ایمرجنسی کے نفاذ اور گورنر راج سے متعلق امور زیر غور آنے کا امکان ہے۔
یہ بھی پڑھیں: ملتان میں رحمان بابا ایکسپریس کی 14 بوگیاں پٹری سے اتر گئیں، 5 مسافر جاں بحق، 30 سے زائد زخمی
دوسری جانب مسلم لیگ نون اور پاکستان پیپلز پارٹی کی پارلیمانی جماعتوں کے اجلاس بھی آج ہوں گے۔ اجلاسوں میں ملکی سیاسی صورت حال پر ارکان کو اعتماد میں لیا جائے گا، جبکہ خیبرپختونخوا کی صورت حال اور آئندہ کے لائحہ عمل پر بھی مشاورت متوقع ہے۔
