اسلام آباد ( پاک ترک نیوز) متنازع ٹیلی کام ری آرگنائزیشن ترمیمی بل کے معاملے پر وزیراعظم کی قائم کردہ کمیٹی نے تجاویز کی رپورٹ تیار کر لی۔ ذیلی کمیٹی نے وزیر قانون اعظم نذیر تارڑ کی سربراہی میں قائم مرکزی کمیٹی کواپنی رپورٹ پیش کردی،،مرکزی کمیٹی کی جانب سے وزیراعظم کو نظرثانی رپورٹ آج پیش کیے جانے کا امکان ہے۔
ذرائع کے مطابق سب کمیٹی نے متنازع شقوں پر اعتراضات دور کرتے ہوئے نیامسودہ تیار کیا،بل میں عوام کی جائیدادوں کے تحفظ کو یقینی بنانے کے لیے ممکنہ حل تجویز کیے گئے۔
یہ بھی پڑھیں: پاکستان کا جدید سٹیلتھ طیارہ زیر بحث ،دفاعی حلقوں میں ہلچل
ذرائع کے مطابق شہریوں کی نجی پراپرٹیز پر فائبریزیشن سمیت ٹیلی کام تنصیبات سے متعلق شق پر نظرثانی کی گئی،سرکاری اراضی پر رائٹ آف وے مفت دینے کی تجویز بھی تبدیلی زیر غور ہے۔
ذرائع کے مطابق سرکاری زمین پر فائبریزیشن سمیت ٹیلی کام تنصیبات کے لیے حکومت کو مناسب معاوضہ دینے کی تجویز شامل،بل کا حتمی مسودہ دونوں فریقوں کے لیے قابل قبول بنانے کی کوشش کی گئی ہے۔
