پیرس (پاک ترک نیوز ) امریکی صدر ڈونلڈ ٹرمپ کا کہنا ہے ایران سے متعلق مفاہمتی یادداشت حتمی نہیں، اگر مجھے حتمی معاہدہ پسند نہ آیا تو ہم دوبارہ بمباری کی طرف واپس جا سکتے ہیں۔
امریکی صدر نے کہا آبنائے ہرمز جزوی طور پر کھل چکی ہے، ایران کے ساتھ معاہدے پر دستخط کے بعد مکمل کھل جائے گی۔ایران معاہدے کے بعد اسٹاک مارکٹس بحال ہورہی ہیں۔تیل کی قیمتیں بھی کم ہوں گی
فرانس میں جی سیون اجلاس کے موقع پر مصری صدر عبدالفتاح السیسی سے ملاقات کے دوران امریکی صدر ڈونلڈ ٹرمپ نے مزید کہا ایران کے پاس ایٹمی ہتھیار نہیں ہوں گے،ایران جوہری ہتھیار حاصل نہیں کر سکتا، اس کے ساتھ اہم ڈیل کی ہے۔
یہ بھی پڑھیں:امریکا اور متحدہ عرب امارات کے صدور کی فرانس میں ملاقات
امریکی صدر نے کہا ایران کی نیوی، فضائیہ اور فوج ختم کردی،ایران کا دفاعی نظام،میزائل اور ریڈار سسٹم بھی تباہ کردیا
ڈونلڈ ٹرمپ نے مزید کہا مصری صدر کے ساتھ تجارت پر بات چیت کریں گے، متنازع ڈیم کے مسئلے پر بھی بات چیت کریں گے، مصر کے ڈیم پروجیکٹ میں امریکا مدد کرے گا۔
مصری صدر نےکہا امریکا کے ایران کے ساتھ معاہدے کا خیر مقدم کرتے ہیں،ایران کے ساتھ معاہدے کے مثبت اثرات سامنے آرہے ہیں،تیل کی قیمتوں میں کمی ہورہی ہے۔
